Grüß Gott!
Der
BAIRISCHE SINGKREIS von da Pfarrei St. Georg in München-Milbertshofen möcht sich eana kurz vorstellen:
Mia san 21 Fraun und Männa, de gern singa und zwar ausschließlich boarische Liada. Nachdem mia zur Pfarrei St. Geog
ghörn und öfters in da Kirch singa, pflegn mia das geistliche Lied. Aber mia singa natürlich a de Liadln und Jodler
wiars zur Jahreszeit passn. Überhaupts alle Liada, de sche klinga und gfalln.
Treffa tean ma uns im Pfarrsaal St. Georg normal jeden 3. Mittwoch im Monat, und wenns auf an Auftritt zuageht natürlich öfters
hinterananda. A Bsonderheit bei uns is übrigens, dass in alle 3 Stimmen sowohl Fraun wia Männa singa: Do ko praktisch jeda mitmacha.
Vielleicht habn ma jetzt eana Interesse a bissl gweckt, und da oa oder ander schaugt bei uns vorbei und macht mit. Mia tatn uns auf
jeden Fall recht gfreun.
Leiter: Philipp Maas, Tel. 089 / 35 72 700
